Melania Trump trazon rrjetin në ditën e zgjedhjeve

Ajo do të jetë Zonja e Parë e SHBA-së për herë të dytë. Melania Trump shkaktoi një rrëmujë të vërtetë ditën e zgjedhjeve, pasi shumë njerëz filluan të aludojnë rreth pamjes së saj. Melania ka qenë shpeshherë në qendër të teorive të çuditshme konspirative për pamjen e saj, por interneti duket se është më i bindur se kurrë këtë herë.

Njerëzit krahasuan fotografi të saj nga dita e zgjedhjeve me dalje të mëparshme publike për të bërë dallimet mes tyre, duke këmbëngulur që gruaja pranë Donald-it nuk ishte Melania e vërtetë. Ata përmendën ndryshime të dukshme në fytyrë, përfshirë mollëzat më të larta dhe mungesën e vijave të buzëqeshjes pranë gojës.

Edhe pse ish-modelja ka mohuar ndërhyrjet plastike në të kaluarën, ekspertët janë të bindur që ajo ka bërë injeksione për mbushjen e mollëzave, botoks në disa zona, një ndërhyrje në hundë dhe një lifting të fytyrës.

Teoritë që Melania Trump përdor një sozi janë shfaqur që nga viti 2017 dhe interneti u bind sërish se gruaja që e shoqëroi Trump-in këtë herë nuk ishte bashkëshortja e tij. Një përdorues në X, shkroi: “Dua të them që kjo nuk është Melania. Nuk ka teori konspirative, është thjesht e dukshme që nuk është Melania”.