Melania Trump tregon fokusin që do të ketë si Zonja e Parë e Amerikës

Melania Trump, e cila do të jetë për herë të dytë Zonja e Parë e SHBA-ve, tha se ajo dëshiron të jetë një forcë pozitive dhe unifikuese në Shtëpinë e Bardhë. Ajo tha në një intervistë se tani ka shumë më tepër përvojë dhe shumë më tepër njohuri. ”Unë kam qenë në Shtëpinë e Bardhë më parë. Kështu që kur hyn, ti e di saktësisht se çfarë të pret. Ti e di se çfarë lloj njerëzish duhet të keni me vete”,-u shpreh ajo. Ajo e bëri të qartë se fokusimi në nevojat aktuale dhe të ardhshme të fëmijëve amerikanë do të jetë në qendër të platformës së saj për një mandat të dytë.