Mike të pandara, Rita dhe Bebe japin së bashku një çmim

Në Los Angeles janë ndarë disa çmime në kuadër të edicionit të “iHeartRadio Music Awards”. Rita Ora dhe Bebe Rexha janë paraqitur bashkë në skenë për të ndarë çmimin për bashkëpunimin më të mirë dhe kanë shkëlqyer së bashku. Trofeu për bashkëpunimin më të mirë shkoi për “The Chainsmokers” dhe “Coldplay”.

Dy shqiptaret e kanë thënë prej kohësh se ruajnë një miqësi të veçantë mes tyre. Gjatë konferencës për media në Prishtinë (me rastin e koncertit për festën e Pavarësisë së Kosovës), Rita ka thënë se Bebe është një prej shoqeve të saj më të mira.