Mirëseerdhe në Serbi! I dashuri i Dua Lipës ia ‘mbyll gojën’ komentueses

Dua Lipa udhëtoi për në Prishtinë me familjen dhe të dashurin e saj Isaac Carew.  Ai publikoi një fotografi nga avioni privat dhe nuk munguan komentet nga ndjekësit e tij.

Një komentuese serbe i shkruajti “Mirëseerdhe në Serbi”, ndërkohë që ai kishte shkruajtur se gjendet në Prishtinë.

Duket se Dua e ka informuar për të kaluarën e Kosovës dhe Serbisë, prandaj përgjigja e tij ishte epike.

“Gjeografia nuk është atributi juaj, apo jo?”, shkruajti Isaac.

Ndërkohë këngëtarja me famë botërore po përgatitet për festivalin madhështor që ka mbledhur emra të njohur të muzikës shqiptare e të huaj.