Ndahet nga jeta këngëtari legjendar, ‘njeriu që e duan të gjithë’
Ylli më i madh i rokut në Francë Johnny Hallyday ka humbur betejën me kancerin e mushkërive, ka njoftuar bashkëshortja e tij. Ai u nda nga jeta në moshën 74-vjeçare.
Këngëtari, emri i vërtetë i të cilit është Jean-Philippe Smet shiti rreth 100 milionë rekorde (këngë) dhe aktroi në disa filmash.
Johnny Hallyday – Marie
Ai u bë një “kavalier i Legjionit të nderit” (Legion of Honour – rendi më i lartë francez i vlerësimit për merita ushtarake dhe civile), nga ish Presidenti Zhak Shirak në vitin 1997.
Hallyday
Francezët e kanë quajt thjesht “Xhoni ynë”. Megjithatë, jashtë zonës frankofone Hallyday nuk ishte shumë i njohur.
Në një deklaratë, gruaja e tij Laeticia tha: “Johnny Hallyday na ka lënë,” raporton agjencia e lajmeve AFP.
“Unë i shkruaj këto fjalë pa i besuar, por është e vërtetë. Njeriu ynë nuk është më me ne. Ai na la sonte pasi jetoi gjithë jetën e tij, me guxim dhe dinjitet,” tha ajo.
Duke reaguar për lajmin, presidenti francez Emmanuel Macron tha: “Ka pak Johnny në të gjithë ne”.
“Ndër breza, ai gdhendi veten në jetën e njerëzve francezë,” tha Macron. “Ai i mahniti ata nëpërmjet bujarisë që patë në koncertet e tij: kaq epike, aq intime, në vende të mëdha, në vende të vogla”.
Johnny Hallyday – Noir c’est noir
Midis atyre që kujtuan këngëtarin francez ishte edhe Richie Sambora, kitaristi që ka performuar me grupin rok amerikan “Bon Jovi”.
Goodbye to my friend…@JohnnySjh … we will miss you pal..Thanks for all you gave us…
Ndërsa këngëtarja Celine Dion e quan “një legjendë të shoubizit”, në një postim në frëngjisht në Twitter.
I’m very sad to hear the news that Johnny Hallyday passed away. He was a giant in show business…a true icon! My thoughts go out to his family, his loved ones, and to the millions of fans who adored him for many decades.He will be sadly missed, but never forgotten.- Céline xx…
I ndikuar nga Elvis Presley, Hallyday u shkëput nga tradita klasike franceze “chanson” në vitet 1950, dhe nisi të këndonte “rock and roll” në frëngjisht.
“Ai prezantoi rokun në Francë dhe është një nga këngëtarët e paktë për të cilin njerëzit thonë se është një kafshë në skenë”, tha një herë gazetari Philippe Le Corre.
“Ai është i pabesueshëm, njerëz të të gjitha moshave e duan”, shtoi ai.
Pavarësisht suksesit të tij në shtëpi, Hallyday nuk arriti të futej në tregun fitimprurës amerikan apo ndonjë tjetër anglisht-folës, raporton BBC.
Johnny Hallyday – Vivre Pour Le Meilleur
Johnny Hallyday – Je te promets
/ SYRI.net
