Fotot e fundit të shkrepura nga paparacët, tregojnë një Brad Pitt shumë ndryshe nga ai që jemi mësuar të shohim. Muajt e fundit, 53-vjeçari është mbyllur në studion e tij të artit në Los Anxheles që pas ndarjes nga Angelina.

Babai i 6 fëmijëve u fotografua duke u futur sërish në shtëpinë e tij, por u shfaq shumë i dobësuar fizikisht. Duket se divorci i tij me aktoren Angelina Jolie, 41 vjeç, dhe lufta e shëmtuar ligjore për mbajtjen e fëmijëve, i ka bërë dëm 53-vjeçarit.

Prej kohësh Brad është tërhequr nga zonat publike, duke u mbyllur në studio për krijimin e një skulpture nën drejtimin e mikut të tij artist Thomas Houseago.

Hera e fundit kur Brad Pitt doli publikisht, ishte gjatë ceremonisë së Çmimeve Oscars 2017 në shkurt.