Ndërron jetë ylli i telenovelave meksikane

Telenovelat meksikane kanë qenë të preferuarat e shqiptarëve për një kohë të gjatë. Një prej aktoreve më të dashura për publikun, Maria Rubio është ndarë nga jeta në moshën 83-vjeçare. Ajo ka qenë pjesë e ‘Salome’, një prej telenovelave të para që është transmetuar në Shqipëri ku bënte rolin e Lukrecias. Lajmin e hidhur e bëri të ditur mbesa e saj, ndërsa mediat e huaja treguan se kishte 6 vite që ishte larguar nga puna prej problemeve me shëndetin. Rrjeti mediatik Televisa ka bërë sot homazhe për aktoren duke e nderuar me transmetimin e disa filmave të njohur, të luajtur nga ajo. Mbesa e saj Fernanda Reyes Pedret shkruajti në një postim në Twitter: “Gjyshja ime, idhulli im, shembulli që unë ndjek, sot është pranë babait tim”.