Në datëlindjen e saj Parashqevi Simaku ka një mesazh prekës për të birin: Zemra ime është e mbushur me mall për ty Luke

Ikona e muzikës shqipe, Parashqevi Simaku feston sot datëlindjen e saj të 59-të. Ajo shprehet se si çdo nënë, dëshira më e madhe në ditëlindje është përqafimi dhe urimi nga i biri, Luke.

”Sot, në ditëlindjen time të 59-të, zemra ime është e mbushur me mall për ty. Sa shumë do të doja ta dëgjoja këtë nga ty. Por e di që ti as nuk e di kur është ditëlindja ime, dhe kjo më dhemb thellë.

Megjithatë, zemra ime rreh gjithmonë me ty ashtu si atëherë kur ishe në barkun tim, edhe sot, në çdo frymë të jetës sime. Edhe pse jemi larg, ti je gjithmonë pjesë e imja drita dhe shpresa ime. Të dua pafund, Luke”, shkruan Simaku.