Një dashuri e re për Rita Orën, nuk është McGregor!

Për t’iu përgjigjur kritikave të shumta të një dite më parë, pasi u shfaq në një foto së bashku me Conor McGregor, Rita Ora ka zyrtarizuar lidhjen e saj të re. Këngëtarja me origjinë shqiptare i ka thënë fund thashethemeve, duke bërë zyrtare lidhjen e saj me muzikantin Andrew Watt, me të cilin përflitej se ishte lidhur për më shumë se një vit. Këngëtarja 27-vjeçare ka publikuar një foto bardh e zi, gjatë një eventi në Londër, bashkangjitur të të cilit ka shkruar: “Mbrëmjen e kaluar”, mbishkrim të cilin e ka shoqëruar me disa ikonat zemre. Pavarësisht se çifti është fotografuar duke shijuar pushime romantike në Romë, tetorin e vitit të kaluar, Rita ka preferuar të mos flasë për lidhjen e saj, duke e mbajtur të dashurin sa më larg rrjeteve sociale.