Një perëndi: Rita Ora në Fashion Awards 2017 (FOTO)

Mbrëmjen e djeshme është mbajtur Fashion Awards 2017-të, eventi që i dedikohet i gjithi glamurit të tapetit të kuq. Mes yjeve si Ashley Graham, Irina Shayk, Pixie Lott, ajo që ka tërhequr vëmendjen e të gjithëve ka qenë këngëtarja me origjinë shqiptare Rita Ora.

E veshur me një fustan në ngjyrë gri metalike, këngëtarja duket se i ka dhënë gjithë shkëlqimin tapetit të kuq. Fustanin, i cili i tregonte më së miri linjat trupore e kishte kombinuar me një palë sandale klasike dhe flokët të stiluara thjesht me onde.

Rita duket se ka qenë në momentin e saj më të mirë dhe gjatë gjithë kohës ka pozuar për fotografët, të cilët gjithashtu janë përpjekur ta fotografojnë aq bukur sa duket vërtetë.