Poston foton e Trumpit të mërzitur, Dua Lipa mbështet Joe Biden
Dua Lipa është një ndër emrat më të dashur për publikun shqiptar, por ka pushtuar botën me zërin e saj të veçantë. Teksa e kemi parë vetëm në koncerte dhe duke kënduar, herë pas here Dua reagon edhe për çështjet politike që ndodhin në vend.
Ajo ka reaguar edhe për garën e fortë mes Joe Biden dhe Donald Trump në zgjedhjet presidenciale të nëntorit. Nga fotot që ajo ka publikuar në Instastory ka treguar se mbështet Biden në këto zgjedhje dhe është kundër një fitoreje të dytë të Trump.
Kjo vihet re nga postimet e saj, sepse ka publikuar së pari foton e Biden dhe Kamala Harris ku të dy shihen të qeshur, pasi Biden, kandidati i mundshëm për president i demokratëve e zgjodhi Harris, si zëvendësen e tij.
Në foton e dytë shihet Trump i inatosur dhe Kamala duke qeshur. Shumë emra të njohur amerikan por jo vetëm janë kundër një mandati të dytë për Donald Trump, e siç duket Dua është bashkuar me mbështetësit e Biden.
