“Primavera Sound 2022”, Dua Lipa mban koncertin e parë pas 2 viteve

Situata nga Covid-19 vijon që të jetë më e qetë në krahasim me muajt e mëparshëm dhe kjo gjë ka rikthyer sytë tek koncertet.

Festivali Primavera Sound me bazë në Barcelonë ka prezantuar disa prej emrave të mëdhenj që do të performojnë në edicionin e radhës, në vitin 2022. Koncerti i vitit të kaluar u anulua për shkak të pandemisë së Covid 19, ashtu siç do të ndodhë edhe sivjet.

Në 2022, Primavera do të zgjasë përreth dy javë nga 2 qershor deri më 12 qershor dhe disa nga artistët që do të marrin pjesë janë: Massive Attack, Jorja Smith, The Stokes, Gorillaz, Tyler, the Creator dhe Tame Impala.  Krahas tyre, në këtë eveniment e pranishme do të jetë edhe këngëtarja shqiptare, Dua Lipa.