Provat e Eurovisionit në Torino, Ronela Hajati: Shqipëria po sjell një stil më modern

Në Torino të Italisë, aty ku do të mbahet festivali Europian i Këngës, kanë nisur provat zyrtare për shfaqjen e madhe. Eurovision në Instagram publikoi disa fotografi nga provat e përfaqësues së Shqipërisë, Ronela Hajati, të cilat e tregojnë këngëtaren krahas balerinëve teksa dhuron një performancë të zjarrtë.

Ronela po ashtu ka marrë vëmendjen e të gjithëve dhe Eurovision është një ëndërr që ajo e ka prej kohësh dhe që më në fund po e sheh të bëhet realitet.

“4 ose 5 vjet më parë, unë thjesht po shikoja Eurovizionin në shtëpi, duke menduar se do të ishte shumë mirë të isha atje. Tani që jam këtu, sigurisht që jam i emocionuar. Unë jam shumë e fokusuar. E di se pasi të përfundojë kjo, do të më mungojë shumë. Të gjithë artistët; ne jemi miq”,-thotë për “Eurovision”.

Ronela synon të shfaqë një anë disi me ndryshme të Shqipërisë nga ajo që është parë në skenën e Eurovizionit përgjatë viteve të fundit.

“Së pari, ajo që është e ndryshme është se unë nuk po sjell një baladë, të cilën Shqipëria e sillte në garë prej shumë vitesh. Ishin balada të bukura, nga këngëtarë me zë të bukur. Por mendoj se po sjell një stil më modern”.