Robert De Niro kundër Trump: Është i etur për pushtet

Ikona e kinematografisë botërore, i njohur si një prej anti trumpistëve më të mëdhenj në SHBA, Robert De Niro shprehu mbështetjen e tij për Kamala Harris, ndërsa tha se kandidati republikan është i etur për pushtet dhe sillet si një gangster.

“Në çdo mjedis, ekziston nderi. Nëse nuk mban fjalën tënde dhe nuk bën gjënë e duhur me njerëzit, pavarësisht se në cilën profesion je, do të margjinalizohesh. Dhe në atë botë, është pak më e vështirë”, tha De Niro. Më tej aktori tha për gazetarin se Trump nuk ka për të hequr kurrë dorë nga pushteti.

“Ai kurrë nuk do të heqë dorë nga pushteti. Kush gënjen veten dhe mendon se mund ta bëjë, duhet të ketë turp. Ai mendon se është një gangster. Ai vepron si gangster”, shtoi ai.