“Rock n’roll nuk vdes kurrë”, pse e fitoi Italia “Eurovision Song Contest”?

Nata finale e Eurovisonit pati shumë supriza. Njëra prej tyre është edhe fitorja e Italisë pas 31 vitesh. “Maneskin” është grupi fitues. Banda italiane performoi në skenën e Roterdamit me këngën “Zitti e buoni” (Të heshtur dhe të mirë).

“Rock n’roll nuk vdes kurrë”, ishin fjalët e para të grupit italian ndërsa ngjitej në skenë për të ngritur trofeun. Në vend të dytë është renditur Franca dhe në vend të tretë me 432 pikë Zvicra, e cila përfaqësohej nga një artisti me orgjinë shqiptare “Gjon’s Tears.

Kush është grupi Maneskin që arriti të triumfojë në skenën e Eurovisionit?

Måneskin janë një grup italian rock i formuar në Romë në 2016 dhe i përbërë nga Damiano David (vokal), Victoria De Angelis (bas), Thomas Raggi (kitarë) dhe Ethan Torchio (daulle). Ata arritën famën në 2017 pas pjesëmarrjes në edicionin e njëmbëdhjetë të X Factor. Është një nga grupet më të pëlqyer, me një frymë të re që aspiron edhe në tregun ndërkombëtar.

Sipas “New York Times”, një gazetar italian tha për fitoren e Italisë “Pas gjithë asaj që ndodhi, ne patëm një vit kaq të keq me vdekjet në Bergamo. Ky është një fillim i ri. Bravo Italia”.