Ronaldo dhe Georgina, puthja që “zhdoganon” çiftin

Një puthje e rrëmbyer në një restorant në Madrid dhe më në fund çifti është “zhdoganuar”. Një foto e Kristiano Ronaldos së bashku me të dashurën e fundit, Georigina Rodriguez po bën xhiron në rrjetet sociale, me çiftin që ka dalë në kryeqytetin spanjoll. Të dy nuk fshihen më tashmë dhe lidhja e tyre duket zyrtare.

Georgina dhe Ronaldo janë frekuentuar që në fund të verës së shkuar, por edhe pse në nëntor kanë qarkulluar fotot e para zyrtare të të dyve së bashku në Paris, konfirmimi i lidhjes së tyre nuk ka mbërritur asnjëherë. Por javën e shkuar janë “kapur” së bashku në tribunën e stadiumit “Santiago Bernabeu”, ku Reali luante ndeshjen e kampionatit kundër Deportivos. Ishte fillimi i një zyrtarizmi të vërtetë.

Tani spikasin edhe këto foto, ku portugezi së bashku me bukuroshen brune ndodhen në një restorant në Madrid dhe shkëmbejnë puthje të ëmbla. Ndërsa Irina (ish-i i tij) duket se ka gjetur shpirtin e saj binjak te Bradley Cooper, Kristiano Ronaldo, pas flirteve të panumërta, duket se i ka dhënë fund edhe zërave mbi një homoseksualitet të mundshëm teksa shihet që puth Georginën.