Ronela Hajati konfirmon publikisht ndarjen nga Young Zerka

Ronela Hajati, zgjodhi t’i surprizojë të gjithë duke thënë se është më “e padashuruar se kurrë”. E ftuar mbrëmjen e djeshme tek “Në Kurthin e Piter Pan”, e pyetur se në ç’gjendje është aktualisht zemra e saj, pranoi se nuk është fare, po fare e dashuruar.

”’Unë jam, çuditërisht më e padashuruar se asnjëherë. Jam vetëm, shumë e fokusuar me punën. Kjo karantina, më ka ndihmuar shumë të punoj me veten. Mendoj që Zoti i di më mirë ca gjëra, i ka shkruar, prandaj ndonjëherë është e kotë të kërkojmë gjëra që nuk e dimë nëse do të bëhen”.

Për një lidhje mes Ronelës dhe Zerkës është përfolur prej vitesh, por ishte këngëtari ai që e konfirmoi në nëntor të 2019-ës, duke e quajtur “shpirtin e tij binjak”, madje më herët ka patur zëra që thoshin se çifti ka nisur të bashkëjetojë. Çfarëdo që të ketë ndodhur, ka marrë fund. Hajati, dukej më e sigurtë se kurrë kur tha se është ~vetëm~.