Rudina: “Bravo që ia vura syrin, ja si më doli”

Rudina Dembacaj ia tha vetë burrit e para. Shkoi të rregullonte makinën në servisin e tij dhe nisi flirtin që atë ditë. Ndërkohë që Rudinës i kishte pëlqyer, Aleksi as që e kishte mendjen për dashuriçka.

Po ajo shkoi sërish për të rregulluar makinën dhe për të parë djalin me sy bojëqielli. Deri sa një ditë u ulën të pinin një kafe dhe ajo e ftoi për në shtëpinë e saj. Vetëm natën e kuptoi se ç`kishte bërë dhe qëndroi zgjuar duke e parë gjatë gjithë kohës. Pikërisht për këtë fakt, Aleksi edhe sot i thërret buf, sepse ajo e shikonte si buf gjatë gjithë natës.

Tani janë prindër të një vajze të quajtur Viktoria, për të cilën Aleksi kujdeset shumë.

Duke qenë me njeriun që do e që e zgjodhi vetë e para, Rudina tha: “Bravo më qoftë që ia vura syrin, se ja si më doli.” Të dy ata folën hapur te Rudina për lidhjen e tyre, por edhe jetën sot si bashkëshortë e prindër.