Sabri Fejzullahu vlerësohet me medalje mirënjohjeje nga Unioni i Bashkive Shqiptare në Rajon

“Bravo për punën që bën, çdo gjë thua, të nesërmen e bën realitet me punën. Bravo, të lumtë!”, më këto fjalë iu drejtua këngëtari i mirënjohur nga Kosova, Sabri Fejzullahu kryetarit të Bashkisë së Tiranës, Erion Veliaj gjatë eventit për çeljen e sezonit turistik në Tiranë që u organizua në Sheshin “Italia”.

“Faleminderit nga zemra kryetar i çmuar dhe shumë i respektuar tek ne në Kosovë, për punën, menaxhimin dhe angazhimin tënd 24 orë, që bën për t’u sjellë fëmijëve që jetojnë në Tiranë, më shumë ajër. Bravo për punën që bën, çdo gjë thua, të nesërmen e bën realitet me punën. Bravo, të lumtë!”, pohoi këngëtari.

Sabri Fejzullahu gjithashtu u vlerësua me medalje mirënjohjeje nga Unioni i Bashkive Shqiptare në Rajon.