Serena Williams kërkon ndihmë për vajzën e saj

Kampionia e tenisit Serena Williams, prej 3 muajsh ka sjellë në jetë vajzën e saj të parë, Alexis Olympia. Por ashtu siç ndan edhe shumë gjëra tjera me miqtë dhe fansat e saj përmes rrjeteve sociale, kësaj here ndau edhe dhimbjen, shkruan People. Ajo ka treguar për kohët e vështira që po kalon, pasi vajza e saj 3 muajshe qan vazhdimisht, e kjo për shkak se asaj kanë filluar t’i dalin dhëmbët e parë. Ajo ka thënë se tani ka nevojë vetëm për nënën e saj, pasi është duke kaluar një kohë të vështirë dhe është shumë e stresuar. “Është kaq e vështirë. E gjora Alexis Olympia ka qenë kaq e parehatshme. Qan aq shumë (ajo kurrë nuk qan), më duhet ta mbaj në krahë derisa të fle. Kam provuar peshqirë të ftohtë e shumë gjëra tjera, por asgjë nuk funksionoi. Po më thyen zemrën. Kam nevojë për nënën time të vijë të më vërë në gjumë, pasi jam shumë e stresuar. Ndihmë? Ndokush?”, ka shkruar Williams. Por nuk shkoi gjatë dhe fansat e Williams i ofruan opsione të ndryshme, duke tentuar t’i vijnë në ndihmë.