Si përfundim, a kanë ndërmend të pajtohen William dhe Harry?

Gjatë intervistës së bujshme për Oprah Winfrey, Princ Harry zbuloi se ai nuk komunikon fare me vëllain e tij, Princin William dhe as me të atin. Për këtë të fundit Harry u shpreh:
“Kur dolëm nga familja mbretërore, ai nuk më përgjigjej në telefon për shumë kohë. Tani gjërat janë zbutur pak, por prapë nuk janë mirë. Megjithatë ai është im atë dhe e dua shumë.”

Të njëjtën gjë theksoi edhe për vëllain e tij, se do e dojë gjithmonë pavarësisht gjithçkaje. Mirëpo intervista që tronditi themelet e Pallatit Mbretëror, është bërë shkak që Harry të fillojë të flasë edhe njëherë me vëllain dhe të atin.
Mikesha e Meghan Markle, Gayle King, ka zbuluar më herët se Harry ka folur me Willim dhe Princin Charles pas intervistës. King tha se ata kanë komunikuar gjatë fundjavës me njëri-tjetrin, por duket se bisedat nuk kanë qenë produktive, sepse Meghan dhe Harry vazhdojnë të kërkojnë që familja mbretërore të ndalojë publikimin e lajmeve të rreme për ta.
“I telefonova për të parë se si ndihen dhe është e vërtetë, Harry ka folur me vëllain e tij dhe me babanë gjithashtu. Mua më thanë se këto biseda nuk ishin produktive, por ata janë të lumtur që të paktën kanë nisur të flasin.
Dhe unë mendoj se ajo që i shqetëson më shumë është se pallati vazhdon të thotë se do të punojnë për këto çështje privatësisht, por ata ende besojnë se ato histori të rreme janë shumë nënçmuese ndaj Meghan. Askush nga familja mbretërore nuk ka folur me Meghan, në këto momente që po flasim. Dhe unë mendoj se është shumë zhgënjyese për ta që flitet se familja mbretërore është raciste, kur e vetmja gjë që ata donin ishte që familja mbretërore të ndërhynte dhe t’i kërkonin shtypit që të ndalnin me publikimin e lajmeve të padrejta, të pasakta, të pavërteta dhe që patjetër kanë një prirje racore
Dhe derisa ata ta pranojnë këtë gjë, do të jetë e vështirë që të vazhdojnë përpara. Por të dyja palët duan të ecin përpara me këtë histori dhe të dy duan shërim. Në fund të ditës, ajo është familja e Harry-t”, ka thënë Gayle King.
Por, a kanë ndërmend të pajtohen dy vëllezërit?
William shqetësohet nga fakti që Harry tha se William dhe babai i tij, Princi Charles, ndihen si të burgosur për shkak të detyrimeve të tyre mbretërore.
William thuhet se nuk ka probleme me kryerjen e detyrave të tij dhe e ka pranuar plotësisht rolin dhe shkon mirë me gjyshen e tij, Mbretëreshën Elizabeth.
Sipas mediave të huaja, marrëdhënia e tij me Mbretëreshën Elizabeth po përmirësohet dita ditës, duke marrë parasysh që William ishte i pari që mbrojti publikisht familjen mbretërore pas intervistës.
Marrëdhënia e tij me babanë është gjithashtu më e mirë, duke marrë parasysh që çdo ditë William sheh gjithnjë e më shumë ngjashmëri midis tij dhe vetes.
Megjithatë, William ende shpreson që marrëdhënia e tij me të vëllain të përmirësohet, pavarësisht se tashmë janë të zemëruar.