Skandali i Hollywood, Weinstein akuzohet edhe për shfrytëzim prostitucioni

Producenti i famshëm i Hollywood, Harvey Weinstein përveç akuzave për ngacime seksuale e përdhunim, tani po përballet me akuzën e shfrytëzimit të prostitucionit. Aktorja britanike, Kadian Noble e paditi në Gjykatën e Qarkut të SHBA-së të hënën, duke e akuzuar se e ka joshur në një dhomë në hotel në Kanë të Francës, me premtimin se do t’i jepte një rol në film, por në vend të kësaj e ka detyruar të bënte veprime seksuale. Padia e depozituar në gjykatë, nuk e akuzon Weinstein për trafikimin, apo shfrytëzim prostitucioni. Por ligji penal ndalon përdorimin e forcës, kërcënimit, apo detyrimin për të kryer marrëdhënie seksuale në këmbim të vlerës, duke u konsideruar si shfrytëzim prostitucioni. Wenstein shkeli ligjet mbi shfytëzimin e prostitucionit. “Vlera” në këtë rast është fitimi i një roli në një nga filmat e Weinstein. Padia e Noble-it pretendoi se producenti i premtoi asaj një rol në një projekt të Kompanisë Weinstein dhe se e ftoi atë në dhomën e tij të hotelit në shkurt të vitit 2014 në Francë.