Skandali seksual, pritet shoqërimi në polici i Harvey Weinstein

Producenti hollivudian, Harvey Weinstein pritet të dorëzohet në policinë e Nju Jorkut për t’u gjykuar rreth akuzave për abuzime seksuale. Mediat amerikane raportojnë se kjo gjë mund të ndodhë të këtë fundjavë.

Ai është akuzuar për abuzime të shumta, duke përfshirë përdhunimin dhe sulmet seksuale, por ka mohuar seksin pa dëshirë me ndonjë prej femrave. Fjalët që u ngritën kundër tij duke bashkuar emra të njohur të artit krijuan lëvizjen #MeToo.