Sot finalja e ”Junior Eurovision”, Rama thirrje shqiptarëve: Mbështetje me votë për Kroni Pulën

Kryeministri Edi Rama jep mbështetjen për përfaqësuesen e Shqipërisë në ”Junior Eurovision Song Contest 2025”, Kroni Pula. Rama e cilësoi këngën e saj si një super krijim edukativ, duke theksuar mesazhin e fortë për dashurinë ndaj tokës dhe shëndetit.

Kreu i qeverisë i bën thirrje qytetarëve që të mbështesin dhe të votojnë talentin dhe energjinë e nxënëses së shkollës “Dëshmorët e Lirisë”, e cila përfaqëson Shqipërinë në këtë konkurrim ndërkombëtar të muzikës për fëmijë.

“Le të mbështesim dhe votojmë energjinë, talentin dhe mesazhin e bukur të këngës nga Kroni Pula, që përfaqëson Shqipërinë tonë në Junior Eurovision Song 2025”, shkruan Rama, duke ndarë linkun zyrtar të votimit.