Tori Spelling me probleme psikologjike, familja telefonon policinë

Ylli i serisë “Beverly Hills”, aktorja Tori Spelling duket se ka probleme psikologjike, e cila kulmoi këtë herë aq shumë saqë është dashur të ndërhyjë policia. Mediat botërore raportojnë se nga shtëpia e aktores amerikane janë dëgjuar ulërima, të cilat përfunduan pas ndërhyrjes urgjente të policies. Shërbimi policor ndërhyri pas thirrjes telefonike, vizitoi shtëpinë e aktores në Los Angeles për shkak se një person i paidentifikuar pohoi se aktorja ishte tmerrësisht agresive dhe dukej e rrezikshme. Pas hetimeve, burri i saj, Dean McDermott në oborrin e shtëpisë ka patur një bisedë të hapur me punonjësit e policisë, ku ju ka treguar shpatullën e lënduar, gjë që tregon se ka ndodhur një dramë e vërtetë në familje. Revista “Pepole” shkruan se vetëm një ditë më parë, Tori ftoi policinë me pretendimin se dikush po thyen në shtëpinë e saj. Dhe më pas sërish thirrin policinë, duke u thënë se nuk ishte e vërtetë, pasi bashkëshorti ka arritur në shtëpi dhe se nuk bëhej fjalët për ndonjë person të panjohur. Aktorja 44-vjeçare, nënë e katër fëmijëve, ka kohë që ka probleme nervore, e cila herë pas here i kalon kufijtë. Problemet më të mëdha në martesë, por edhe me shëndet, filluan në vitin 2013, kur mësoi për tradhtitë e burrit gjatë vitit 2013, ku nga ajo kohë është shtruar disa herë në spital.