Vazhdon sherri, Angelina nuk lejon Brad të takohet me fëmijët

Brad Pitt dhe Angelina Jolie janë ende në debate për divorcin e tyre ku situata e kujdestarisë është tensionuar shumë.

Thuhet se Brad ka kaluar një pjesë të madhe të verës në Angli, ku jetojnë Angelina me 6 fëmijët. Gjykatësi në rastin e divorcit përcaktoi një orar që Brad të takonte fëmijët e tij në Londër për 10 orë në ditë. Më pas u rralluar në 4 ditë, një herë në disa kohë

Burime për TMZ thonë se Brad dhe Angelina kurrë nuk flasin me njëri-tjetrin, dhe komunikojnë gjithmonë përmes dadove apo asistentëve.

Është e qartë se ka pasur diskutime mbi takimet e Brad me fëmijët. Gjyqtari në çështjen e divorcit ka lëshuar një urdhër duke thënë se Angelina u përpoq të kufizonte takimet duke shtuar se ishte e dëmshme për ta. Gjykatësi madje tha se Brad kishte të drejtë të telefononte dhe të shkruante fëmijët sa herë që donte, dhe Angelina nuk mund të monitoronte kontaktet.

Debatet e fundit kanë qenë për cështjet e pagesave ku Brad zbuloi se i ka dhënë 9 milionë dollarë që prej ndarjes për të blerë shtëpinë dhe mbështetje për fëmijët. Duket se gjërat mes tyre nuk do përmirësohen edhe për një kohë të gjatë…