Vetëm për 24 orë, Mozzik kalon çdo pritshmëri (VIDEO)

Mozzik publikoi klipin e këngës “Madam”, ku në qendër të fabulës së saj është një çift, i luajtur nga Mozzik dhe e dashura e tij, Loredana.

24 orë pas publikimit, projekti i ri kapi shifrën e 1 milion shikimeve në YouTube. Kureshtja për këngën e Mozzik është e natyrshme.

Pas ndarjes nga kompania që menaxhonte atë dhe Getinjon, “On Records”, ky është projekti i parë ky Mozzik shfaqet në një këngë, krejt i vetëm. Më parë, ai lançoi projektin “Ti Amo” në bashkëpunim me reperin gjerman Veysel.

Kënga e fundit flet për gabimet e djalit (në këtë rast Mozzik), të cilat falen gjithmonë nga vajza për shkak të dashurisë. Momentalisht, klipi ka mbërritur në shifrën 1.6 milion klikime.