VIDEO/ ”Nuk mbaj më”, Olta përlotet dhe e nervozuar përplas filxhanin

Pas Prime-it të së martës, aktorja Olta Gixhari nuk është në gjendje të qetë emocionale. Rrugëtimi i saj në ”Big Brother Vip 2” nuk mbështetet nga shumica e audiencës, dhe mëngjesin e sotëm është parë në gjendje jo të mirë. E përlotur dhe e lodhur nga loja, Olta e nervozuar përplas edhe filxhanin e kafesë.

E gjitha ka ardhur nga qëndrimi që mbajti moderatorja Arbana Osmani. Si kurrë më parë Osmani iu drejtua Oltës, duke e kundërshtuar.

”Shumë e shëmtuar që përmend se ke informacione për vajzat! Të gjithë kanë”,-tha Arbana. Kërcënimet e Olta Gixharit në shtëpinë e “Big Brother Vip” se do të nxjerrë çfarë di për jetën jashtë të Kiarës dhe Efit, nxitën shumë reagime në rrjet.