VIDEO/ Protestë virale në Kanë, një vajzë e veshur me ngjyrat e Ukrainës lahet me ”gjak”

Një ngjarje e nxitur nga lufta Ruse në Ukrainë, është bërë virale nga tapeti i kuq i festivalit të filmit në Kanë. Një vajzë e panjohur u paraqit e veshur me një fustan me ngjyrat e flamurit të Ukrainës. Teksa po ecte, është ndalur për të pozuar para kamerave dhe ka nxjerrë nga gjoksi dy qese me bojë të kuqe.

Ajo i plasi ato dhe u mbulua me bojën e gjakut përpara se të arrite stafi i sigurisë për ta larguar. Vajza u mbulua me bojë në premierën e filmit Just Philippot Acid për të përcjellë një mesazh të rëndësishëm për Ukrainën.

Ky incident ka ardhur pas deklaratës së të Volodymyr Zelensky i cili e krahasoi shkatërrimin e dhunshëm të Ukrainës nga rusët me shkatërrimin që ndodhi në Hiroshima.