Videoklipi i këngës ”Sekret” për Eurovision, Ronela nis xhirimet me një mesazh për Vjosën (FOTO)

Ronela Hajati e cila do të përfaqësojë Shqipërinë në ”Eurovision” me këngën ”Sekret”, ka vendosur një rekord përfaqësimi në klasifikimin e shkurtit, duke ngritur pritshmëritë në eventin që do të mbahet mes 10 dhe 14 Majit në Torino të Italisë.

Artistja ka nisur xhirimet e videoklipit të këngës në jug të vendit, me një mesazh të fortë për ruajtjen e trashëgimisë sonë natyrore. Kënga po xhirohet buzë Vjosës, në Bylis.

Një pjesë tjetër e xhirimeve do të mbahen në Gjirokastër dhe Tepelenë. Video e cila do të publikohet në fillim të Marsit në kanalin zyrtar të Eurovizionit do të tregojë disa nga bukuritë më joshëse të Shqipërisë si një kartolinë ftese për të gjithë shikuesit e Festivalit Europian.