VIP-at në plazh/ Mbesa e Sali Berishës publikon pamje nga pushimet në Lalëz, Robert Berisha “single” këtë verë

1 gusht! Zyrtarisht koha e pushimeve! Temperaturat e larta të kësaj vere kanë bërë që të gjithë ti drejtohet detit. E ndër ta, janë edhe personazhet tonë të ekranit. Ky vit i ka kushtëzuar të pushojnë në vendin tonë për shkak të pandemisë. Megjithatë nga imazhet që shohim, nuk duket sikur po ia kalojnë keq.

Kejvina Kthella
Për modelen e mirënjohur ky ka qenë një vit i ngarkuar. Pasi u largua në SHBA për të provuar karrierën ndërkombëtare, biondje seksi është rikthyer për të shijuar verën buzë detit. Në “Instagram”-in e saj ditët e fundit ka shkrepje vetëm me bikini, ndaj të vështirë e kishim se kë të përzgjidhnim ndër to.
Trejsi Sejdini
Një tjetër modele është rikthyer pasi provoi famën në SHBA. Flasim për Trejsin, që sapo erdhi në Shqipëri vendosi të shfaqet edhe njëherë provokuese. Brenda në det dhe me një look të ndryshuar, ajo i ka kujtuar të gjithëve se vijon të mbetet një ndër femrat më seksi në vendin tonë.
Anxhela Peristeri
Këngëtarja e njohur po pushon disa ditë në Ksamil. Duke nisur edhe nga anulimi i koncerteve, Anxhela ka pasur më shumë kohë për të pushuar. Ajo që na bie në sy janë format e përmirësuara të saj. Ashtu si prej kohësh e dimë, ajo mban një dietë strikte dhe rezultatet besojmë se janë të qarta.

Robert Berisha
Kjo verë e ka gjetur në Shqipëri edhe Robertin. Ashtu si ai vetë na ka treguar nga rrjetet sociale, këto janë pushime prej një mashkulli beqar. Së bashku me të dhe miqtë e tij është fotografuar edhe mikesha e tij, Big Mama, por asnjë femër nuk duket të shoqërojë një ndër meshkujt më të lakmuar në showbizz-in tonë.