Ylli i rrokut kalbet i gjallë me erë të padurueshme, vdes

Një yll rroku rus ka vdekur pas vuajtjes së nekrozës së indeve, teksa po kthehej nga një festë nga Ishujt Kanaria. Gjendja e tij u përkeqësua aq shumë, saqë avioni bëri ulje emergjente në Portugali. Andrey Suchilin, 58 vjeç, pësoi një infeksion gjatë pushimeve në Gran Canaria muajin e kaluar, por gjendja e tij u përkeqësua kur mori një fluturim për në Amsterdam për të shkuar në shtëpi. Era “e padurueshme” nga mishi i tij i kalbur ishte aq e keqe saqë thuhet se shkaktoi vjellje dhe të fiktë edhe tek pasagjerët në avion. Pas përpjekjes së parë për të izoluar Suchilin në banjë, piloti përfundimisht u detyrua të devijonte fluturimin e Transavia dhe të bënte një ulje emergjente në Faro më 30 maj. “Komponenti tragjik dhe komik i kësaj situate është se unë mora një sëmundje, e cila (le të mos themi se si dhe pse) e bën një person me erë të padurueshme”, shkroi Suchilin në Facebook pak pas uljes emergjente sipas RT.com. “Si rezultat, një grup udhëtarësh mund të kërkojë nga kapiteni që ju të largoheni nga avioni”. Suchilin u shtrua në spital në Portugali dhe iu nënshtrua operacioneve të shumta për të luftuar nekrozën e indeve. Megjithatë, shëndeti i tij vazhdoi të përkeqësohej dhe pasi ra në koma vdiq të hënën. Sipas faqeve lokale të lajmeve, Suchilin u konsiderua si një “pionier i muzikës rock” në Bashkimin Sovjetik dhe “një nga instrumentisët më të mirë të kitarës në Rusi”.