Zayn Malik gjen ngushëllim tek një femër pas ndarjes me Gigi Hadid

Ndarja e çiftit më të dashur Gigi Hadid dhe Zayn Malik ka pushtuar mediat rozë. Dhe ylli i “One Direction” tani po kërkon ngushëllim për të kaluar dhimbjen. Ai është fotografuar në Miami Beach në rezidencën e tij me qira, ndërsa përqafohej me një vajzë tjetër. Këngëtari kërkoi që të ketë pranë shoqen e tij për të kaluar këtë periudhë të vështirë. Ai shihet i veshur me pantallona të shkurtra, ndërsa në gjoksin e tij mbetet ende tatuazhi me sytë e supermodeles. 25 vjeçari ka kaluar shumë kohë duke shijuar diellin e Miami, ndërsa po përpiqet të marrë veten nga ndarja me Gigin. Shumicën e ditës këngëtari e ka kaluar duke pirë duhan dhe shëtitur jashtë rezidencës.