Zbërthehet kuptimi i fotos hit në samitin e Tiranës

Lajmet nga samiti i djeshëm i BE-së dhe Ballkanit Perëndimor në Tiranë, ende vijojnë që të ”pushtojnë” mediat.

Një foto e kryeministrit Edi Rama teksa iu ul në gjunjë kryeministrit të Luksemburgut Xavier Bettel, tërhoqi shumë vëmendjen dhe u bë hit në rrjete sociale.

Ka të bëjë me një “resto”. Në një vizitë zyrtare në Tiranë më 6 gusht, Bettel teksa u prit nga Rama, u ngrit në majë të gishtave për të bërë foton. Ky ishte një moment humori mes dy liderëve, teksa Bettel përpiqej të arrinte Ramën.

Rama u ul në gjunjë si në formë batute për t’i treguar se nuk ishte Rama më i gjatë, por homologu i tij nga Luksemburgu.