Si po shkon trajtimi i Kate Middleton nga kanceri?

Shërimi i Kate Middleton nga kanceri po shkon mirë, thotë eksperti mbretëror, Richard Fitzwilliams. Ai argumenton se paraqitjet e fundit publike të Princit William sinjalizojnë kthimin e familjes mbretërore në një gjendje normale.

Princesha e Uellsit tronditi botën muajin e kaluar, kur njoftoi se po i nënshtrohet ‘kimioterapisë parandaluese’.
Princi William hoqi dorë nga detyrat e tij për të mbështetur gruan e tij. Por ai u kthye në jetën mbretërore me një paraqitje për një bamirësi në Surrey, Angli të enjten. Mbreti i ardhshëm u pa gjithashtu duke parë një ndeshje futbolli me djalin e tij të madh, Princin George.

Të dy daljet u krijuan qëllimisht për të siguruar publikun se rikuperimi i Princeshës Kate po shkon sipas planit, thotë Fitzwilliams.
“Familja mbretërore e kupton se me çdo gjë që bëjnë dërgon një mesazh në një mënyrë ose në një tjetër”, tha eksperti për The Sun.