Ministrja Denaj: Buxheti 2025 për Bujqësinë, subvencione të drejtpërdrejta për fermerët

Ministrja e Bujqësisë dhe Zhvillimit Rural, Anila Denaj, thotë se buxheti 2025, është më i larti në historinë ekonomike shqiptare. Ministrja u ndal në financimin që adreson buxheti i vitit 2025 në mbështetje të bujqësisë dhe zhvillimit rural.

Për të  buxheti 2025 është më i larti ndër vite, që ka në fokus subvencionet e drejtpërdrejta për fermerët dhe zgjerimin e investimeve në sektorë prioritarë të bujqësisë.

“Me një vlerë prej 14.7 miliardë lekësh, Buxheti 2025 për bujqësinë dhe zhvillimin rural, më i larti ndër vite, ka në fokus subvencionet e drejtpërdrejta për fermerët, investimet në infrastrukturë ujitje-kullim dhe mbrojtje nga përmbytjet, dhe sigurinë ushqimore”, deklaroi Denaj.