26 fitore në 27 ndeshje, Liverpooli përmbys edhe West Ham-in (VIDEO)

Liverpooli nuk njeh kundërshtar këtë sezon në Premier League. Skuadra e Klopp ka marrë një tjetër fitore spektakolare 3-2 ndaj West Ham. Ishte një triumf i vuajtur për të kuqtë që do të kalonin të parët në avantazh që në minutën e 9-të me Wijnaldum.

West Ham kundërpërgjigjet pas tri minutash duke shënuar në mënyrë të ngjashme me Issa Diop. Ekipi i Moyes nuk u ndal këtu teksa në fillimin e pjesës së dytë gjeti golin e avantazhit me Fornals.

Liverpooli do të barazonte në minutën e 68-të me Salah që përfiton nga gafa e portierit Fabianski. 9 minuta nga fundi Mane do të konkretizonte një tjetër asist nga Arnold. Kjo ishte fitorja e 26 në 27 ndeshje këtë sezon për “The Reds” që kanë vetëm një barazim. /Rozalb Lika-Koha Jone/