3 futbollistë në Premier League dyshohet se janë prekur nga coronavirusi

3 futbollistë në Premier League kanë shfaqur simptoma të coronavirusit dhe do të testohen nëse janë prekur nga sëmundja që po gjunjëzon Europën. T gjithë futbollistët janë në pritje të rezultateve të analizave që pritet që të dalin ditën e nesërme.

Njëri prej tyre ka shfaqur simptoma gjatë javës dhe është vetëizoluar. Kampionati pritet të pezullohet i gjithi nëse njëri prej tyre do të dalë pozitiv.

Disa klube Premier League thuhet se janë me shpresë se qeveria do të ndërhyjë për të pezulluar kampionatin, i cili për momentin do të vijojë me dyer të mbyllura.

Lojtarët thuhet gjithashtu se janë të shqetësuar nga përhapja e shpejtë e virusit, teksa deri më tani janë konfirmuar disa raste në klube të ndryshme europiane. /R.Lika-Koha Jone/