3 futbollistë të Flamengos në Brazil dalin pozitiv ndaj Covid-19

Koronavirusi është përhapur shumë në Brazil, teksa së fundmi tre futbollistë të Flamengos skuadrës që fitoi titullin kampion sezonin e kaluar por edhe Copa Libertadores kanë rezultuar pozitivë me COVID-19.

Lajmin e ka bërë të ditur vetë klubi nga Rio De Janeiro por Flamengo nuk ka publikuar emrat e futbollistëve. Klubi brazilian u ka bërë tamponin plot 293 personave, përfshirë të gjithë futbollistët, stafin teknik por edhe familjarët e tyre dhe njerëzit që punojnë në shtëpitë e tyre.

Në 293 testet e kryera, 38 kanë rezultuar pozitivë, por klubi i Flamengos nuk ka identifikuar asnjë prej tyre.