4 gola në 3 ndeshje, Messi me nisjen më të mirë që pas 2016-ës

Katër gola në tre ndeshje në vitin e ri, 2021. Më mirë se kaq, Lionel Messi ka bërë vetëm në vitin 2016, kur golat e shënuar më 10 janar ishin pesë. Barcelona e Koeman arriti të ringrihej dhe të kthehej në vendet e para në renditje, i ndihmuar edhe nga një formë shumë e mirë e numrit 10.

Dopieta me Bilbaon, dopieta kundër Granadës, vetëm kundër Huescas nuk shënoi, që nga nisja e vitit 2021. Pesë vjet më parë ai arriti të shënonte një gol më shumë, duke realizuar dy ndaj Espanyol dhe Granada-n, plus një në Kupën e Mbretit kundër rivalëve katalanas.

Me pak fjalë, Messi duket se është rikthyer përsëri në formën e tij më të mirë, teksa katalanasit shpresojnë që kjo gjë ta ndihmojë për të ndryshuar mendim në fund të sezonit, për të mos t’u larguar.