522 gola në 521 ndeshje, Messi dominon statistikat e dekadës së fundit

Lionel Messi e mbylli dekadën me shifra të jashtëzakonshme. Portali Transfermarkt që ka zbuluar të dhënat e regjistruara nga ylli argjentinas i Barcelonës për periudhën 2010-2019 ku rezulton se për këtë 10 vjeçar Messi ka 522 gola të shënuar në 521 ndeshje, statistika që shpjegojnë se përse ai ka fituar 6 herë Topin e Artë dhe 6 herë Këpucën e Artë.

Cristiano Ronaldo shënoi 477 gola në 489 ndeshje, edhe këto janë statistika të jashtëzakonshme që vërtetojnë dominimin e këtyre dy futbollistëve në dhjetë vitet e fundit.

Klasifikimi vijon me Robert Lewandowskin me 324 gola në 454 ndeshje i ndjekur nga Cavani, ndërkohë që pesëshen e goleadorëve të dekadës së fundit e plotëson Luis Suarez me 303 gola në 445 ndeshje.

Dominimi i Messit nuk kufizohet vetëm te shënimi i golave. Argjentinasi është edhe mbreti i pasimeve për gol për 2010-2019. Askush në pesë ligat më të rëndësishme të Evropës nuk ka dhënë më shumë asiste se Messi, 136 të tilla.