917 gola në karrierë, Cristiano Ronaldo nuk di të ndalet

Cristiano Ronaldo nuk njeh moshë. Pavarësisht viteve që ikin, tek CR7 nuk ndodh asnjë ndryshim. Lojtari portugez ka shënuar të enjten golin e tij të parë për vitin 2025.

Një gol që përveç faktit se ndihmoi Al Nassr-in të merrte fitoren 3-1 kundër Al Okdudit, në sfidën e vlefshme për javën e 14 të kampionatit në Arabi, ky gol mbart një statistikë të veçantë me vete.

Ronaldo ia ka dalë të shënojë për të 24-tin vit radhazi. 5 herë fituesi i Topit të Artë e ka dërguar topin në rrjetë për herë të parë në vitin 2001 dhe që atëherë ka shënuar gol në secilin vit që ka kaluar.

Sulmuesi i Al Nassr-it ka shkuar në kuotën e 917 golave në karrierë. Një statistikë e jashtëzakonshme. Objektivi i shprehur nga CR7 se kërkon të mbyllë karrierën pasi të ketë realizuar 1000 gola në karrierë mund të mos jetë më utopike.