A do të largohet Lewandowski nga Bayerni? Flet presidenti Hainer: Kur të ketë diçka …

E ardhmja e Robert Lewandowskit është kthyer në temën e ditës në Gjermani. Sulmuesi polak është në dilemë edhe pse ka edhe një vit kontratë me skuadrën bavarez.

Herbert Hainer, president i klubit gjerman në një intervistë për Sport Bild ka preferuar që të mos japë shumë komente në lidhje me të ardhmen e polakut.

“Fillimisht, dua tu bëj me dije se Robert ka kontratë me ne deri në vitin 2023 dhe e vlerësojmë shumë. Na garanton shumë gola. Drejtuesit tanë janë në kontakte me të. Kur të ketë diçka për t’iu thënë, do ta bëjmë”. Deklaroi presidenti Hainer.

Për Lewandowski nën ditët e fundit është shfaqur opsioni për transferimin te Barcelona, teksa do të ishte një zgjedhje perfekte për ekipin e Xavit. /R.Lika-Koha Jonë/