Allegri i kërkoi një mbrojtës, zbulohet lista e gjatë e dëshirave të Tares në merkato

Humbja e rëndë ndaj Cremoneses ka detyruar drejtuesit e Milanit të rishikojnë planet për merkaton. Drejtori sportiv Igli Tare, nën kërkesën e fortë të trajnerit Massimiliano Allegri, është i gatshëm të ndërhyjë menjëherë për të përforcuar repartin mbrojtës, i cili ka humbur Malick Thiaë, tashmë zyrtarisht lojtar i Neëcastle.

Sipas burimeve pranë klubit kuqezi, objektivi është afrimi i një lojtari me eksperiencë, që të ofrojë siguri dhe lidership në prapavijë. Për këtë arsye, është konsideruar e pamundur një lëvizje për të riun Pietro Comuzzo të Fiorentinës, i cili së fundmi refuzoi një ofertë milionere nga Al Hilal i Simone Inzaghit.

Emri më i dëshiruar në “Casa Milan” mbetet Kim Min-jae, ish-mbrojtësi i Napolit, sot te Bayern Munich. Koreani shihet si përforcimi ideal, por çmimi i lartë prej rreth 35 milionë eurosh e bën operacionin shumë të vështirë.

Më i realizueshëm duket pista Manuel Akanji, i cili pritet të largohet nga Manchester City dhe u është propozuar disa klubeve europiane. Milani është i interesuar, por problemi mbetet paga e lartë prej 9 milionë eurosh në sezon, shumë larg parametrave financiarë të klubit. Nga ana tjetër, kuqezinjtë janë të gatshëm të paguajnë rreth 15 milionë sterlina që kërkon City për kartonin e mbrojtësit zviceran.

Ndërsa Kiëior po shkon drejt Portos, drejtuesit milanezë po monitorojnë edhe situatën e Andreas Christensen te Barcelona, i cili ka kontratë deri në 2026, si dhe të Beraldo-s të Paris Saint-Germain. Braziliani 21-vjeçar, i transferuar në Paris në janar 2024, pëlqehet nga Milani, por nuk shihet si profili lider që kërkon Allegri për të udhëhequr repartin mbrojtës.