Allegri: Sassuolo e karikuar për hakmarrje, do ketë ndryshime në formacion

Juventusi do të sfidojë nesër në mbrëmje Sassuolon me objektivin për të siguruar një vend në gjysmëfinalen e Kupës së Italisë. Trajneri Massimiliano Allegri ka folur në prag të kësaj ndeshjeve për formacionin dhe emra të veçantë të skuadrës së tij, si dhe për objektivat e Juventusit deri në fund të kampionatit.

“Sulmi me Morata, Dybala, Vlahovic? Njëri prej tyre mund të pushojë. Më duhet të vlerësoj gjendjen e Vlahovic. Kaio Jorge mund të jetë titullar, por duhet të kemi parasysh që ndeshja mund të shkojë edhe në shtesa e penallti.

Sassuolo është një ekip që luan mirë teknikisht. Ata u mundën 4-0 në ndeshjen e fundit në kampionat dhe do të jetë të karikuar për hakmarrje. Ne kemi nevojë për një paraqitje serioze, që do të na ndihmonte të përgatitemi për ndeshjen kundër Atalantës.

Formacioni? I kemi të gjithë në dispozicion, veç Chiellinit dhe Bernardeschit të dënuar. Gjithashtu edhe Moise Kean është i pezulluar. Nëse do të luajnë nga fillimi Perin dhe Bonucci. Kupa e Italisë është një nga objektivat tona. Nuk kam vendosur ende për formacionin, por ndeshja më e rëndësishme është e radhës për ne. Kështu që do të luajmë me formacionin më të mirë të mundshëm”.

Objektivi ynë është të shkojmë sa më larg të jetë e mundur në Champions League dhe të mbyllin në katër më të mirat në Serie A. Atalanta është rivali ynë direkt, kurse Milani, Napoli e Interi janë shumë larg. Duhet të punojmë fort, të fitojmë një ndeshje dhe të fokusohemi në duelet e tjera më pas”, deklaroi Allegri.