Ancelotti: Derbi emotiv ndaj Atletico Madridit, Benzema është gati

Real Madrid pret Atletico Madrid do të sfidohen nesër nëmbrëmje. Skuadra e Carlo Ancelottit kryeson La Liga-n me 39 pikë, dhjetë më shumë se kampionët në fuqi, të cilët kanë luajtur një ndeshje më pak. Trajneri Acelotti para ndeshje ka folur dhe për rikthimin e Benzemas.

“Në lojë janë tre pikë, pastaj është edhe aspekti emotiv kur luan një ndeshje derbi kundër një rivali të drejtpërdrejtë dhe një ekipi të madh. Është e qartë që një gjë e tillë do të shtojë presionin te dy skuadrat, pasi tifozët e përjetojnë këtë ndeshje në një mënyrë të veçantë.

Benzema është stërvitur mirë dhe ka ndjesi pozitive për nesër. Karim do të jetë i gatshëm për derbin me Atleticon. Të gjithë lojtarët janë stërvitur mirë, përveç Ceballos, i cili do të jetë i gatshëm javën e ardhshme. Stafi mjekësor dhe teknik po bën një punë të shkëlqyer, e tregon fakti që kemi në dispozicion të gjithë kontingjentin në këtë fazë të sezonit, diçka shumë e rëndësishme për ne.

Simeone? Ai e ka kthyer Atleticon në një nga klubet më të mirë të Europës, ka fituar tituj dhe vijon të bëjë një punë fantastike”, deklaroi Ancelotti.