Ancelotti: Nuk e kuptova pse nuk ishte në listën e “Topit të Artë” Toni Kroos

Mbrëmjen e djeshme u publikua lista e 30 kandidatëve të “France Football” për fitimin e “Topit të Artë”. Mes 30 më të mirëve përveç Messit, spikati lënia jashtë e Toni Kroos, i cili zhvilloi një sezon shumë të mirë me “Los Blancos”, duke dhënë kontributin e tij në fitimin e Champions League, La Liga-s, Superkupës së Spanjës dhe Superkupës së Europës.

“U befasova pak nga mungesa e Kroos, pasi ai ka zhvilluar një sezon fantastik. Por e kuptoj, do të ishte pak problem nëse do të ishin të gjithë lojtarët e Realit në listë.

Edhe Alaba, Militao e Valverde e meritonin, të gjithë lojtarët e mi e meritojnë të jenë, pasi kanë zhvilluar super sezon. Nuk po flas për fituesin, thjesht duhet të ishin në listë, sidomos Kroos”, tha Ancelotti.