Andreazzoli: Asllani mendon vetëm për futbollin, vrapon më shumë se kushdo

Trajneri i Empolit, Aurelio Andreazzoli ka rrëfyer në “Gazzetta dello Sport” eksperiencën e tij të dytë si trajner me blutë si dhe foli për Asllanin.

“Personalisht isha i interesuar ta mbaroja punën e ndërprerë vite më parë, pas rënies së padrejtë nga kategoria më 2019. Ishte një borxh që kisha ndaj vetes dhe mjedisit. Edhe këtë sezon mbijetuam në Serie A kundër të gjitha gjasave. Ndonjëherë, kur arrin një qëllim, thuajse duket sikur është i duhuri.

Asllani? Kur një djalë është i talentuar, nuk duhet të ushtroni shumë presion mbi të; duhet ta shoqëroni, jo ta përdorni.

Duhet ta ndiqni, t’ia shpjegoni gjërat, ta lini të luajë, jo ta ulni në stol, ta këshilloni çdo herë. Asllani mendon vetëm për futbollin, vrapon më shumë se kushdo dhe kur gabon, është i pari që e kupton këtë”, deklaroi Andreazzoli.