Anglia me katër mungesa të sigurta ndaj Shqipërisë, mbetet jashtë edhe Rice

Anglia humb edhe një tjetër titullar para ndeshjes me Shqipërinë. Mesfushori Declan Rice, pjesë e rëndësishme e planeve të trajnerit Southgate, është larguar nga grumbullimi për shkak të gjendjes jo të mirë shëndetësore

Në komunikatën zyrtare për shtyp thuhet se Rice nuk është mirë nga ana shëndetësore, por nuk bëhet e ditur ekzaktësisht se çfarë ka konkretisht mesfushori i West Ham.

Southgate ka humbur 2 titullarë në rreshtimin e tij në mesfushë, pasi më parë ishte konfirmuar edhe mungesa e Mason Mount. Tashmë i vetmi titullar i paprekshëm është Philiphs, ndërkohë që Henderson me shumë mundësi pritet të zërë vend në formacion. Trajneri i Anglisë nuk ka në dispozicion edhe dy titullarë të tjerë, Luke Shaw dhe Ward Prowse.