Anila Basha: Euro 2025 për vajza një sukses në Zvicër, edhe falë UEFA-s

Nga Anila Basha

Ndeshja e mbrëmshme mes Spanjës dhe Anglisë ishte kurorëzimi i Euro2025 të futbollit të vajzave, kompeticioni europian që këtë vit pati një sukses të jashtëzakonshëm në Zvicër, falë organizimit të Federatës dhe Qeverisë zviceriane dhe investimit të UEFA për ta cuar futbollin e vajzave në një tjetër nivel.

Isha në këtë aktivitet me Presidentin Armand Duka e trajneren tonë të U19 Daniela Kodra, dhe me delegacionin e Kosovës me Presidentin Ademi në krye. Ndërsa për dy ditë para finales, diskutuam në forume të hapura, shkëmbyem eksperiencë dhe morëm ide për sfidat që kemi për të rritur futbollin e vajzave si dhe përpjekjet për të pasur më shumë cilësi në produktin e zhvillimit të kampionatit të vajzave në Shqipëri por edhe të zinxhirit të kombëtareve tona.